Finss.az xəbər verir ki, American HP Inc 2025-ci ilin üçüncü maliyyə rübündə gəlirini 3,1%, xalis mənfəətini isə 19% artırıb.

Şirkətin press-relizinə əsasən, iyulun 31-də başa çatan rüb üzrə gəlir 13,93 milyard dollar olub. Bu, ötən ilin eyni dövründəki 13,52 milyard dollardan çoxdur və analitiklərin 13,69 milyard dollarlıq proqnozunu üstələyib.

 Xalis mənfəət: HP-nin mənfəəti bir il əvvəlki 640 milyon dollardan 763 milyon dollara yüksəlib.
?Səhm üzrə qazanc: 0,65 dollardan 0,80 dollara qalxıb. Birdəfəlik amillər nəzərə alınmadan isə qazanc 0,75 dollar olub ki, bu da bazar gözləntilərinə uyğundur.

 Bölmələr üzrə nəticələr:

• Fərdi kompüterlər bölməsi – gəlir 6% artaraq 9,9 milyard dollar

• Printer seqmenti – gəlir 4% azalaraq 4 milyard dollar

HP rüb ərzində səhmlərin geri alınması və dividendlər vasitəsilə səhmdarlara 400 milyon dollar qaytarıb.

 Proqnoz: Dördüncü maliyyə rübündə şirkət xalis mənfəəti hər səhmə görə 0,75–0,85 dollar, düzəliş edilmiş mənfəəti isə 0,87–0,97 dollar səviyyəsində gözləyir. Analitiklər orta hesabla ikinci göstəricinin 0,92 dollar olacağını proqnozlaşdırıblar.

Buna baxmayaraq, çərşənbə günü əlavə ticarətdə HP səhmləri 1,9% ucuzlaşıb.